Pragako gaztelua (txekieraz Pražský hrad) txekiar hiriburu Pragaren iragan historiko, kultural eta sozialaren hondar enblematiko, arranditsu eta nabarmenetako bat da, Bata bestearen jarraian etorri ziren sute eta inbasioak gora-behera.
IX. mendean sortua, Bohemiako erregeen, Erromatar-Germaniar Inperio Santuko enperadoreen, Txekoslovakiako presidenteen eta Txekiar Errepublikako presidenteen egoitza izan zen. Bertan, Bohemiako Koroaren Bitxiak aurkitzen dira. 570 metroko luzera eta 130 metroko bataz besteko zabalerarekin, munduko Erdi Aroko gotorlekurik handientzat hartzen da.
Multzoaren barnean, Pragako katedrala, Bohemiako antzinako artea duen San Jurgiren komentua, San Jurgiren basilika, Errege Jauregia, eta pizkunde eta barroko garaiko margolan galeriak gazteluko antzinako zalditegietan ditu, beste gauza batzuen artean.
Jože Plečnik arkitektoak birmoldatu zuen 1920 eta 1934 bitartean, Tomáš Masaryk presidenteak eskatuta.
