Luxenburgoko Museoa (frantsesez: Musée du Luxembourg) (/myze dy lyksɑ̃buːʁ/ ahoskatuta) Parisko 6. barrutian kokatuta dagoen erakundea da,19 rue de Vaugirarden. 1750ean sortua, hasiera batean arte-museoa zen, Luxenburgoko Jauregiaren ekialdeko aldean. 1818an arte garaikidearen lehen museoa bihurtu zen. 1884an gaur egungo eraikinera eraman zuten, jauregiaren antzinako negutegira alegia. 2000. urtean Kultura Ministerioak eta Frantziako Senatuak hartu zuten haren ardura. Geroztik bolada baterako erakusketak antolatzen ditu. 2010. urtetik Réunion des Musées Nationaux sarean dago.
