Victoria and Albert Museum (euskaraz Viktoria eta Alberto museoa, sarritan V&A hizkiekin laburtua) Ingalaterrako Londres hiriburuan dagoen museoa da. Kensington eta Chelsea barrutiaren barnean dagoen South Kensington eremuan kokatzen da, Zientzia Museoaren eta Historia Naturalaren Museoaren ondoan dago. 2003an Europako urteko museoa aukeratua izan zen.
Apainketa arteei eta diseinuari buruzko munduko museo handienen
artean kokatzen da, 4,5 milioi objetuz osaturiko bilduma finko bat
duelarik. Viktoria I.a eta Alberto Printzearen omenezko izena
darama, 1852an ireki zen, eta hainbat handitze eta eraldaketaren
ondoren, gaur egun 51,000 m²-ko azalera eta 145 areto ditu.
Bilduma
- Eskulturak: Museoko 26 galeriatan aurkitzen dira eta alabastro,
brontze, boli edo igeltsuzkoak dira. Bereziki adierazgarriak dira
Pizkundekoak (tartean Donatelloren Ascension) eta Rodinen 17
eskultura.
- Keramika eta beira: 21 galeriatan aurkitzen dira. Europa,
Ekialde Hurbila eta Ekialde Urrunekoak dira.
- Altzariak: 37 galeriatan aurkitzen dira. Bereziki aipagarriak
dira XVIII mendeko ale frantses eta ingelesak.
- Urregintza: 22 galeriatan Europa eta Ekialde Hurbileko 35.000
piezatik gora daude ikusgai; metalezko kopak, dominak, armak,
erlojuak...
- Indiako artea: 1500 eta 1900 arteko artelan ugari daude
ikusgai, oihalak, armak, beirak, margolanak, brontzeak,
bitxiak...
- Ehunak eta jantziak: 18 galeriatan zehar XVII mendetik gaur
egun arteko moda azaltzen da.
- Ekialde Urruneko artea: 8 galeriatan Txina, Japonia, Korea eta
Asia hegoekialdeko artelanak agertzen dira; eskulturak, altzariak,
jadeak, keramika, ehunak, armadurak...
- Margoak, grabatuak, marrazkiak eta argazkiak: XVIII eta XIX
mendeko margolan britainiarrak eta XVI eta XIX arteko margolaritza
europearra.
Informazio
praktikoa
- Helbidea: Cromwell Gardens, London SW7
- Ordutegia: 10:00 - 17:45
- Metro geltokia: South Kensington
Kanpo
loturak