Vendôme zutabea Parisko monumentu bat da, Vendôme Plazan aurkitzen dena, hiriko lehen barrutian. Denboraren igaroan Austerlitzeko zutabea bezala ere deitua izan da. Napoleon Bonaparteren aginduz eraikia izan zen, Austerlitzeko guduan lortu zuen garaipena ospatzeko. Bertara, Madeleine, Tuileries eta Opera metro geltokietatik hel daiteke.
Bere garaiera 44 metrokoa da, eta, bere bataz besteko diametroa 3,60koa. Erromatar jeneralez jantzitako Napoleonen estatua batekin koroatua dago, August Dumontek zizelkatua, eta bere iloba zen Napoleon III.ak eraikitzea agindu zuena. Frantziarrek, Austerlitzeko guduan etsaiari kendutako kanoien brontze urtuzko txapa batekin estalia dago, gerra eskenak irudikatzen dituzten baxuerliebeekin apaindua. Artista ezberdinek parte hartu zuten bere diseinu eta apainketan. Nabarmenen artean, honako hauek daude:
Barneko eskailera batek goikaldera iristea ahalbidetzen du, non behatoki bat dagoen. Bere oinarrian, plaka bat aurkitzen da, non, latinez, hau irakur daitekeen:
NEAPOLIO IMP AVG MONVMENTVM BELLI GERMANICI ANNO MDCCCV TRIMESTRI SPATIO DVCTV SVO PROFLIGATI EX AERE CAPTO GLORIAE EXERCITVS MAXIMI DICAVIT |
Errepublikaren irudi bat ordezkatu zuen, honek, aldi berean Frantziako Louis XIV.aren zaldigaineko estatua bat ordezkatu zuelarik.
Bere diseinua Traianoren zutabean oinarritzen da, monumentu hau, Erroman aurkitzen dena, oso-osorik haitzurdinez eginda egotearen ezberdintasun bakarrarekin. Parisen, antzerako beste monumentu batzuk ere aurkitzen dira, Julioren zutabea, Bastillako Plazan
Parisko Komunaren gertaeretan, Frantziar-Prusiar Gerraren ondoren, zutabea behera bota zuten, basakeriari, militarismoari eginiko monumentutzat jo bait zen, baita nazioarteko zuzenbidearen ezeztapen bat ere. Gustave Courbet margolaria, gertaeren arduradun egina, gartzelan sartua izan zen eta zutabearen konponketaren gastuak ordaintzera kondenatua izan zen, xoxik gabe utzi zuena.
Komunaren ondoren, zutabea zaharberritua izan zen eta horrela kontserbatzen da egundaino.