Turkana lakua, antzinako Rudolf lakua Kenia eta Etiopia artean dagoen lakua da. Batzutan bere kolorea zela eta Jadezko itsasoa ere deitu zioten.
Turkana lakuak 6405 km² area du; hori dela eta, munduko basamortu-lakurik handiena da.
Lakuaren ingurumena lehorra da oso. Badaude hiru ibai lakuan bere ahoa dutenak: Omo ibaia, Turkwel ibaia eta Kerio ibaia. Lakuak nahiz eta lurruntzearen ondorioz baino ez ura galdu, bere sestra 10 metro jaitsi zen 1975 eta 1993 artean.
1888an Samuel Teleki kondeak eta Ludwig von Höhnel tenienteak lakuari "Rudolf" izena jarri zioten Austria-Hungariako Artxidukearen omenez. 1975an Turkana izena berreskuratu zuen. Eskualdeko biztanleak Gabbra, Rendille eta Turkana tribuetakoak dira.
Lakua oso inportantea da antropologia ikerketetan, hantxe aurkitu baitituzte Skull 1470 burezurra edo Turkana Boy ("Turkanako mutila") bederatzi milioi urteko homo erectus hezurdura.