Tokioko Dorrea (東京タワー Tōkyō tawā) Tokioko Minato auzoan dagoen dorre bat da, Japonian: Tokyo Tower izenez ezagutzen dute. Parisko Eiffel dorrearen tankerako diseinua dauka. Abiazioko arauen arabera zuri eta gorri pintatuta dago.
332,6 metroko altuera zeukanez (Eiffel Dorrea baino 8,6 metro altuagoa), munduko metalezko dorrerik altuena zen; altzairuzkoa da, baina Pariskoa baino askoz ere arinagoa da pisuz: 4.000 tona (Eiffelek baino 3.300 tona gutxiago ditu). Tachū Naitō izan zen dorrearen diseinatzailea. 1958. urteko urrian amaitu zuten eraikuntza, eta publikoarentzat abenduan ireki zuten.
Tokioko Dorrearen funtzio nagusia seinale analogikoen transmisio-antena da, telebistarako eta irratirako; baina 2003. urteaz geroztik seinale digitalak ere transmititzen ditu. Bestalde, Tokioko erakargarri turistiko garrantzitsua da.
Wikimedia Commonsen badira fitxategi gehiago, gai hau dutenak: |