Suediako Legebiltzarra (suedieraz: Sveriges riksdag) Suediako ganbera bakarreko legebiltzarra da eta Suediako Gobernuari estuki loturik dago. Stockholm hiriburuko Gamla Stan alde zaharreko Helgeandsholmen uhartean kokaturik dago, uharte guztia hartzen duen jauregian, Stockholmeko Errege Jauregiaren ondoan.
1435ean Arboga hirian Suediako noblezia biltzartu zen eta hau kontsideratzen da Legebiltzarraren abiapuntu. 1527an Gustavo I.a Vasa erregeak lau estamentu sozialek osatzeko agindua eman zuen, nobleziak, elizak, burgesiak eta nekazari askeek.
1866an bi ganberatako sistema ezarri zen eta horrela mantendu zen 1970 arte, ganbera bakarrekoa bihurtu zen arte. 1976tik aurrera 349 diputratuko ganbera ezarri zen.
1897an eraikitzen hasi zen Helgeandsholmen uhartean eta 1905ean ireki zituen ateak. Aron Johansson arkitektoak diseinatu zuen estilo neoklasikoan, berariaz prestaturiko lehiaketa bat irabazi ostean.
Bi raikinek osatzen dute, gaur egun arkuz lotuak daudenak. Bietako bat, mendebaldean dagoen eriakin zirkularra, Suediako Bankuaren egoitza zen baina 1976an tokiz aldatu eta Legebiltzarrak hartu zuen eraikina.
| Wikimedia Commonsen badira fitxategi gehiago, gai hau dutenak: |
