Santa Maria Nagusia basilika (italieraz Santa Maria Maggiore, latinez Sanctae Mariae Maioris) Erromako lau basilika nagusietako bat da, San Joan Laterangoa, San Petri Vatikanokoa eta San Paulo Harresiz Kanpokoarekin batera. Elurretako Andre mariaren basilika (Basilica di Santa Maria della Neve) eta Liberiar basilika (Basilica Liberiana) izenak ere ematen zaizikio, Liberio aita santuaren omenez, IV. mendean basilika profano bat kristautu behar baitzuen, kondairaren arabera, abuztuan elurra egin zuelako miraria ospatzeko.
1929ko Laterango Itunaren arabera, basilika italiar lurraldean dago baina jabetza Egoitza Santuaren da, eta lurraldez kanpoko estatusa du enbaxaden antzera.