Saladinen zitadela (arabieraz: قلعة صلاح الدين, Qal'at Salah al-Din) Siriako zitadela da, Al-Haffahetik 7 kilometrotara ekialderantz dagoena. Gotorlekua X. mendekoa da: 975ean Joan I.a Tzimiskesek hartu eta 1108ra arte bizantziarren eskuetan izan zen. XII. mendean frankoek hartu eta Antiokiako printzerria babestu zuen. 1188an Saladinek hiru eguneko setioaren ondoren konkistatu zuen. 1287an mamelukoek bertan borrokatu zuten. 2006an, UNESCOk Zaldunen Krak gotorlekuarekin gizateriaren ondaren izendatu zuen.