Rosersberg jauregia (suedieraz: Rosersbergs slot) Suediako erregeen jauregietako bat da. Rosersberg herrian dago, Sigtuna udalerrian, Stockholm hiritik 30 kilometro iparraldera.
Gabriel Bengtsson Oxenstiernak eraiki zuen 1634 eta 1638 artean eta bere emaztearen familiaren izena jarri zion, Tre Rosor (hiru arrosa). Pizkundeko estiloan eraiki zen baina XVII mendearen bukaerarako estilo hau modaz pasata zegoen eta honen semeak rokoko estilora birmoldatu zuen.
1757an Estatuak eskuratu zuen eta 1762an Karlos XIII.a Suediakoari eman zionean errege jauregi bihurtu zen. Hurrengo mendeetan hainbat berriztatze lan izan zituen, garaiko modaren arabera moldatuz.
1860an Suediako ejerzitoko infanteriari eman zitzaion eta mosketarien eskola bihurtu zen. Gaur egun ere Suediako Defentsa Ziilaren esku dago eta Erreskate Zerbitzuen agendak erabiltzen du.
XVII mendearen bukaerakoa da eta Nicodemus Tessin Gazteak diseinatu eta landatu zuen frantziar barroko estiloan. Garai hartan Suediako lorategi ederrenetakoa kontsideratua izan zen. Parkearen gehiengoa galduta badago ere etorbideak eta 600 metrotako putzua ikusgai daude oraindik.
1800 urte inguruko lorategi ingeles bat ere badago jauregiaren ezkerretara.
