Negev (hebreeraz נֶגֶב; arabieraz: النقب) Ekialde Hurbilako basamortua da, hegoaldeko Israelen kokatuta. Negev arabieraz "idorra" esan nahi du, hebreeraz, berriz, "hegoaldea".
Negevek 13.000 km² azalera du eta aldrebesezko triangelu baten itxura: bere hegoaldeko ertza Eilaten dago, Itsaso Gorriaren kostaldean. Mendebaldean Sinai du eta ekialdean Jordania, Araba wadik muga sortuz.
Eskualdeko hiri nagusia Be'er Sheva da, 200.000 biztanle dituena. Beste hiri nagusiak Eilat, Dimona, Mitzpe Ramon eta Rahat dira.
Basamortua oso leku lehorra da eta tenperatura 50 °C hel daiteke. Hona hemen:
| Be'er Shevaren bataz besteko tenperaturak | Urt | Ots | Mar | Api | Mai | Eka | Uzt | Abu | Ira | Urr | Aza | Abe |
|---|---|---|---|---|---|---|---|---|---|---|---|---|
| Bataz besteko beroena (°C) | 17 | 17 | 20 | 26 | 29 | 31 | 33 | 33 | 31 | 28 | 24 | 18 |
| Batz besteko hotzena (°C) | 7 | 7 | 9 | 13 | 16 | 18 | 21 | 21 | 19 | 17 | 12 | 8 |
Basamortu latza izanik gutxik bizi dira eskualdean. Hala ere, nabateoek (K. a. III. mendea-I. mendea) eskualdea okupatu eta Avdat, Shivta, Kurnub edo Petra bezalako hiriak eratu zituen. Gero, antzinako Erromatarrek, Bizantziar Inperioak eta Otomandar Inperioak eskualdea konkistatu zuten . David Ben-Gurionek basamortuan ikusi zuen Israelgo etrokizunaren lekua eta Sede Boker hirian eman zituen bere azken urteak.
Bibliaren arabera, Negeven Zin eremuak ziren (Zenbakiak 34:3), Sinain berriz Paran eremuak ziren (Hasiera 21:21).
