Mengako trikuharria (gaztelaniaz: Dolmen de Menga) Andaluziako Antequera udalerrian kokatutako monumentu megalitiko erraldoia da. Galeria estalia eta oinplano angeluzuzen dituen trikuharria da. Hilobiko ganberaren alboan zazpi ortostato (horma osatzen duten harriak) daude eta beste bat hondoan. Bost bizkar-teilek (sabaia osatzen duten harriak) estaltzen dute monumentua. Tumulu batek babesturik dago.
Europa osoko trikuharri multzorik handiena da, baita Stonehenge baino handiagoa ere. 25 metroko luzera, 5 metroko zabalera eta 4 metroko altuera ditu. Litekeena da Kobre Aroan eraikia izatea, k. a. 2500 inguruan.
Vierako trikuharria gertu (70 m.) du eta baita El Romeralgo trikuharria (4 km.) ere.
