Menara lorategiak (arabieraz: حدائق المنارة) Marrakexen (Maroko) mendebaldean dauden lorategi historikoak dira. Atlasaren sarreran daude. Abd al-Mumin kalifa almohadeak eraiki zituen 1130 urte inguruan. 1985tik Unescok Gizateriaren Ondarea bezala izendatu zituen.
Menara izena pabiloiko teilatu gainean dagoen piramide berdetik (menzeh edo itsasargia) dator. Pabiloi hau Sadien leinuak XVI. mendean eraiki zuen; 1869an Abd ar-Rahman ibn Hicham sultanak berritu zuen; sultanak udan bertan hartzen zuen babesa.
Bai pabiloia eta baita ditxoa ere baratzez eta olibondoez inguratuta daude. Ditxoak ura 30 kilometrotan dauden mendietatik biltzen du sistema hidrauliko konplexu eta sofistikatu bati esker. Sistema hori Qanat izeneko lurpeko kanalizazioen bidez antolatzen da.
