Mellifonteko abadia (Mellifont Abbey ingelesez), Loutheko konderrian dago, Mattock ibaiaren ondoan, Irlandan.
Irlandan eraikitako lehen monastrio zistertarra da.
Abadia, 1142an eraiki zen, San Malakiasen aginduz, gurtza gune handi bat bihurtu eta, honela, gertuko Monasterboice ordeztuz.
1539an, abadia, itxia eta utzia izan zen. Gilen Orangekoaren egoitza nagusi izan zen, XVII. mendearen amaieran gertatu zen Boyneko guduan.
Ikuzketa gela, Mellifonteko hondakinetako atalik garrantzitsuena da. Zituen zortzi hormetatik lau baino mantentzen ez diren oktogono formako eraikin bat da. Bere eraikuntzari buruz, erromaniko estiloko arkuak nabarmendu behar dira.
Klaustroaren ekialdean kokatua, ganga bikain bat du, baita gaur egun desagertua dagoen abadiatik etorritako Erdi Aroko azuleju batzuk ere.