Managua lakua (gazteleraz: Lago de Managua; nahuatlez: Xolotlan) Nikaraguako bigarren laku rik handiena da. Lakuak 1042 km² azalera, 65 km luzera eta 32 km zabalera ditu. Bataz-besteko sakonera 9,5 m bada ere, 30 - 39 metrotara heldu daiteke.
Gertuko Nikaragua lakua bezala, espainiarrek jarri zioten bere izena Mangue (bertoko Mankeme tribuen gaztelaniazko izena) eta agua (euskaraz "ura") hitzak lotuz. Managua hiria, Nikaraguako hiriburua, bere hego-mendebaldeko kostan dago.
Lakuak zirkulu itxura du, Chiltepe eta Panami penintsulek hautsita. Aintziraren ipar-mendebaldean Momotombito uharte nagusia dago.
Managua lakuaren "ibaiadar" nagusiak Sinecapa eta El Viejo ibaiak dira. Hustubidea, berriz, Tipitapa ibaia Nikaragua lakura doana.