Luleåko katedrala (suedieraz: Luleå domkyrka), Luleå hiriko katedrala da.
Luleå herri txikia zen XIX mendean baina 1865ean Norrbottengo konderriko hiriburu izendatu zuten eta hiria nabarmen hazi zen. 1887an sutea gertatu zen eta herriaren gehiengoa suntsitu zuen.
1893an eliza berria altxatzea erabaki zuten. Hasieran Oskar Frederiken eliza izena eman zioten Oskar II.a Suediakoaren omenez. 1904an Luleåko diozesia eratu zen eta eliza katedral bihurtu zen.
Adreilu gorriz eraikia dago eta Adolf Emil Melander arkitektoak estilo neogotikoa eman zion.
Gurutze itxurako oinarria dauka, habearte bakarrekoa. Dorreak 60 metrotako altuera dauka eta hiriko eraikin altuena da.