Lisikratesen monumentua (antzinako grezieraz: Μνημείο Λυσικράτους) Atenasen Akropoliatik gertu dago eta, koruak antolatzen zituen Lisikratesen (K.a.335 - 334) omenez eraiki zen. Monumentua (K.a. 335-334) Evaneto arkontearen garaian eraiki zen, Dionisioren teatroan lehendabiziko aldiz gizonezko koru batek sari nagusia irabazi zuela ospatzeko.
Idulki karratu baten gainean hamar metro inguruko monumentu zilindrikoa eraiki zen, korintoar tenplu sasi monoptero modura. Marmolezko teilatuan, hasiera batean brontzezko tripode bat zegoen, hots, Lisikratesek irabazi zuen saria.
Garai hartan, hainbat harri mota erabiltzea ohikoa zen, sortzen zuen efektu optikoagatik. Kanpoko aldean korintoar ordena erabiltzen zen lehendabiziko aldietako bat izan zen, hala ere, ondorengo monumentu handietan erabiliko ziren korintoar kapitelekin alderatuta, zutabe hauen kapitelak oso xumeak dira.
1821. urtean aurkitu zen eta 1876an erabat zaharberritu zuten Frantziako gobernuaren babespean.