Khertvisi gaztelua (georgieraz: ხერთვისის ციხე) gaur egun erortzeko zorian dagoen Georgiako gotorlekurik zaharrenetako bat da, georgiar feudalismo garai osoan indarrean egon zena. Georgia hegoaldean dago, Meskhetiko eskualde historikoan, gaur egun Samtskhe-Javakhetiko eskualdean. Lehen gotorlekua K. a. II. mendean eraiki zen. Eliza 985. urtean eraiki zuten eta egungo harresiak 1354koak dira. Elezaharraren arabera, Khertvisi gaztelua Alexandro Handiak suntsitu zuen. X. eta XI. mendeetan Meskhetiko eskualdearen erdigunea zen.