Gripsholm gaztelua (suedieraz: Gripsholms slott) Suediako erregeen jauregietako bat da. Strängnäs udalerrian dago, Mariefred herrixkan, Stockholmetik 60 kilometro mendebaldera.
1370 hamarkadan Bo Jonsson (Grip) estatugizonak gotorleku bat eraiki zuen bertan. XV mendean hainbat eskutatik pasa zen, Margarita erregina, Sten Sture "zaharra" eta 1498an kartusiarren komentua bihurtu zen.
1526an Gustavo I.a Vasak konfiskatu zuen Erlijio Erreformaren baitan, behera bota eta errege jauregi bat eraikitzeko agindu zuen. 1537 eta 1545 artean eraiki zen eta erregeen gortea bertan ezarri zen. 1654an Hedvig Eleonora erreginak jaso zuen eta 1715 artean bertan bizi izan zen. Adi horretan hainbat gehikuntza egin zizkion.
1822an Erretratu Galeria Nazionala bihurtu zen eta 1860an Suediako Museo Nazionalak hartu zuen kudeaketa hobea egin asmoz. 1889 eta 1894 artean berriztatze lan handiak egin zitzaizkion.
