Golden Gate Zubia, AEBetako Kalifornia estatuan dagoen zubi ezagun bat da, San Frantziskoko penintsularen iparraldea eta Maringo konderriaren hegoaldea lotzen dituena. "Golden Gate", zubia eraikita dagoen itsasartearen izena ere bada, eta bere izena, Konstantinoplako itsasartetik jasotzen du, hau ere Urrezko Atea deitua, Europa eta Asia lotzen baitzituen.
Golden Gate Zubia, San Frantziskoko zubirik ospetsuena da, hiri honetako handiena ez den arren, Bay Bridge zubia baita bide nagusia.
Lehen Mundu Gerraren ondorengo lehen hamarkadan, errepidezko trafikoa San Frantziskoko Badia inguruan, zazpigatik biderkatu zen, eta beraz, ferry sistema, ez zen halako hazkuntza jasateko gai izan. Zubi eseki bezala katalogatua, 1933 eta 1937 bitartean eraikia, 1280 metroko gutxi gora-beherako luzera batekin, 227 metroko altuera duten bi dorretatik zintzilik dago. Sei bideko galtzada bat du (hiru norantza bakoitzean), eta oinezko eta txirrindularientzako bide babestuak ditu. Zubiak, kanalaren alde batetik bestera, inguruaren garapenerako behar den energiaren zati handi bat garraiatzen du elektraindar garraio sarean eta erregai garraioetan. Bere egituraren azpian, 67 metroko altuera uzten du itsasontziak badiaren bidez igaro daitezen. Golden Gate Zubia, bere garaiko ingeniaritza lanik handiena izan zen. Azkar margotua izan zen, Ozeano Bareak zubiaren egituran eragindako herdoiltze azkarra eragozteko.
Zubiaren eraikuntza, 1933ko urtarrilak 5ean hasi zen, Works Projects Administration (WPA) programapean, Franklin Delano Roosevelt presidenteak abiatutako lan publiko programa bat, lanpostuak funts federalekin sortu eta Depresio Handiaren eraginak apaltzeko. Egitasmoaren ingeniari nagusia Joseph Strauss izan zen. Zubia, 1937ko apirilean amaitu zen, eta oinezkoentzako, maiatzak 27ko goizeko 6etan ireki zen, errepide bidezko trafikoari zabaldua izan zenean inauguratu zelarik, hurrengo egunean, maiatzak 28an. Hasierako lanak, garai hartako 35 milioi dolarreko kostua izan zuen.
Golden Gate Zubia, Munduko Zazpi Mirari Berrien aukeraketan egon zen hautagaietako bat izan zen. Ez zen finalean sartu.