Gammelstad eliza-herrixka (suedieraz: Gammelstads kyrkstad), Luleå hiritik gertu dagoen herrixka da, UNESCOk 1996an Gizateriaren Ondare izendatu zuena. Botniako golkoaren iparraldeko kostaldean dago.
1621 urtean Gustavo II.a Adolfo erregeak Luleå hiri eskubideak eman zizkionean Gammelstad dagoen lekuan zegoen baina glaziazio ondorengo isostasiaren eraginez lurra altxatzen ari denez, kaiak sakontasuna galdu zuen. Honen ondorioz itsasontziek arazoak zituzten bertan sartzeko eta horregatik tokiz aldatu zuten Luleå herria 1649 urtean.
Gammelstad Lule ibaiean gora hiritik 10 kilometro iparraldera dago. XV mendeko Nederluleå eliza da erdigunea eta inguruan egurrezko 424 etxe ditu. Eliza igandetan bakarrik erabiltzen zen elizkizun eta erlijio jaialdietarako eta etxeetan nekazal eremutik etorritako erromesak hartzen ziren eguraldiaren erruz itzultzeko arazoak zituztenean.
