Everglades Parke Nazionala Estatu Batuetako hego-ekialdean dago, Florida estatuan. 6.104 kilometro koadroko azalera du eta hezegunearen jatorrizko %20a baino ez da. Ekosistema nagusi bat dago haren baitan, Everglades izenekoa, munduan bakarra dena.
Parkea 1947ko abenduaren 6an sortu zuten, baina sortzeko baimena 1934ko maiatzaren 30ekoa zen. 1976an Unescok biosferaren erreserba izendatu zuen, 1979an gizateriaren ondare, eta 1987an, nazioarteko garrantziko hezegune. 1993 eta 2007 bitarte, eta 2010etik gaur arte, Harriskuan dagoen gizateriaren ondarearen zerrendan dago.
