Erretorearen jauregia (kroazieraz: Knežev dvor) Dubrovnik hiriko jauregi ezaguna da, hiriko erretorearen egoitza izan ohi zena. 1979tik aurrera hiriaren alde historikoa UNESCOren Gizateriaren Ondarea da.
Erretorearen jauregia XIV mendean eraiki zen estilo gotikoan eta babes funtzio nabarmena zeukan. 1435ean suak erre zuen eta hiriak jauregi berria altxatzea erabaki zuen. Napoliko Onofrio della Cava arkitektuak diseinatu zuen, honek ere estilop gotikoan, eta eskulturak Pietro di Martino milandarrak egin zituen.
Polvora leherketa batek jauregiaren zati bat suntsitu zuen 1463an eta arkitektu florentziarrek gidatu zuten konponketa, oraingoan pizkundeko estiloan. 1520 eta 1667ko lurrikarek berriz kaltetu zuten jauregia eta konponketak estilo barrokoan egin ziren. Azken berriztatzean eskailerak etakanpaia gehitu zitzaizkion atrioan.
XIV mendetik hasi eta 1808 arte Ragusako Errepublikako erretorearen egoitza izan zen. 1872tik aurrera Dubrovnikeko museoaren historia departamentua egon izan da bertan.
