Dunfermlineko jauregia (ingelesez: Dunfermline Palace, eskozieraz: Dunfaurlin Palace) Eskoziako Dunfermline herrian dagoen jauregi historikoa da, aintzina errege familien egoitza izan zena. Gaur egun hondarretan aurkitzen dena. A mailako eraikina izendaturik dago.
Malcolm III.a Eskoziakoak XI mendean eraiki zuen eta Erresumako hiriburu bihurtu zuen Dunfermline. 1128an eraikin multzoa handitu egin zuen alboan Dunfermlineko abadia ezaguna eraikiz. Bertan jaio ziren Eskoziako hainbat errege eta bertan daude hobiratuta ere beste hainbat errege eta erregina.
Eskoziako errege familiak oso gustoko zuen eta XIV menderarte ohikoan ziren beren egonaldiak 1603an Eskoziako eta Ingalaterrako errege familiek bat egin eta hauek Londresera joan ziren arte. 1650an Karlos II.a Ingalaterrakoa eta Eskoziakoa bertan izan zen, bisita egin zuen azken monarka izan zen. Oliver Cromwellek Eskozia okupatu zuenean eraikina bertan behera utzia izan zen eta 1708an dagoeneko teilaturik gabe zegoen.
Gaur egun sukaldea eta hegoaldeko horma eskerga baino ez dira mantentzen.
