Compostelako Donejakue katedrala izen bereko hiri galiziarrean kokatuta dago, urtero hainbat bisitari jasotzen duena, tartean Done Jakue bidean ibilitako erromes, bertan baitago bidearen amaiera.
Donejakue edo Santiagoko erdigunean dago kokatuta, Obradoiroko enparantza zabalean. 1075ean eraikitzen hasi ziren eta 1211n amaitu, estilo nagusiak erromanikoa eta mende batzuk geroagoko barrokoa izanda.
Tradizioaren arabera, Santiago apostolua bertan lurperatuta dago.
Katedralak bost fatxada ditu: Obradoiro aldekoa, iparraldean Azabachería-koa, ekialdean Quintanakoa, hegoaldean Platerías-ekoa eta Klaustrokoa.
Obradoiroko enparantzaren atarian "Pórtico da Gloria" izeneko eskultura erromaniko multzo eder eta ezaguna dugu, XII. mendean amaitutakoa.