Champs-Élysées (Avenue des Champs-Élysées) Parisko hiribide nagusia da. 1.880 metro luze da eta Garaipen Arkutik Place de la Concorde-raino doa.
Champs-Élysées greziar mitologian agertzen den Zelai Eliseoetatik datorkio. Hau bertutedun arimentzako tokia zen, kristautasunaren paradisuaren baliokidea. Bertan sartu ahal izateko, Lete ibaian edan behar zuten, infernuan pasa zuten denbora ahantzaraziko ziena.
Frantziarrek, munduko hiribiderik ederrena ("la plue belle avenue du monde") deitzen dute.
Hiribidearen goialdeko zatian, Charles de Gaulle plazan hasten dena (lehen Place de l'Etoile, "Izar plaza"), zineak luxuzko dendak eta saltoki handiak daude.
Hiribidearen behealdea, Place de la Concorde delakoan amaitzen dena (exekuzioak egiten ziren tokia), lorategiz inguratua dago, eta zenbait eraikin publiko daude: Palais de la Découverte ("Aurkikuntzaren Jauregia"), Petit Palais ("Jauregi Txikia") eta Grand Palais ("Jauregi Handia"), Paris IV Unibertsitateaz gain.
Champs-Élysées Parisko ardatz historikoaren zati dira, Tuileries Lorategitik luzatzen dena Louvrera iritsi arte.
Garaipenaren Arkuaren beste aldetik, Avenue de la Grande Armée eta Avenue Charles de Gaulle hiribideek luzatzen dute Ardatz Handia. 1990eko hamarkadan, ardatz honetan bertan Arku Handia eraiki zen, La Défense auzo modernoan, Europar Batasuneko finantza gune garrantzitsuenetako bat, Alemaniako Frankfurtekin batera.
Champs-Élysées hiribidean dago beti Frantziako Tourraren azkeneko etaparen helmuga. Gainera, sari banaketa, Garaipenaren Arkuaren ondoan egiten da, eta, horregatik hiribide mitikoa bihurtu da txirrindularitzarentzat.
Koordenatuak: