Caral Caral zibilizazioaren hiriburua izan zen. Supe bailaran dago, Limatik 182 kilometro iparrera eta kostatik 23 kilometrora. 350 metroko altueran dago. 5.000 urteko zahartasuna baino gehiago ematen zaio eta Amerikako zibilizazio zaharrena jotzen da. Unescok Gizateriaren ondare izendatu zuen 2009an.
Aztarnategiak 65 hektarea eta 5.000 urte inguru ditu eta orain arte aurkitu den Amerikako metropolirik zaharrena da. Zenbait arkitektura elementu oso ondo gorde dira, hala nola bi piramide eta zenbait patio biribil. Baina Caraleko aurkikuntzarik ikusgarrienak kondor eta pelikano hezurrez egindako 32 txirula dira. Zazpi nota sortzeko ahalmena dute.
