Britaniar Museoa (ingelesez British Museum) Londres eta Erresuma Batuko museorik handiena da, baita munduko ospetsuenetarikoa ere. 1759ko urtarrilaren 15ean zabaldu zenetik, zabalkuntza prosezu asko izan ditu eta 5 milio bisitari izatera heldu da, munduko museorik bisitatuenetarikoa izanez.
Lurreko museorik zaharrena izateaz gain, kontinente guztietatik jasotako zazpi milioi objetu baino gehiago ditu. Horietariko asko eta asko ez dira erakusten, birgaitze edo berrikuntza prosezuetan baitaude. Horrez gain, Liburutegi Britaniarreko irakurketa gelarik handiena ere badu museoak, 1973. urterarte hor egon baitzen kokatua aipatutako liburutegia. Gaur egun, liburutegi honek badu bere egoitza propioa. Gauza bera aipatu beharra dago Londreseko Hitoria Naturalaren Museoari buruz, 1963tik beste eraikin baten baitago.
Munduko bildumarik aipagarrienetarikoa du Britishak. Arte egipziarrari buruzko bilduma munduko nabarmenena da, Kairoko Museo Egiptoarraren ostean, beti ere. Museoko sarrera doan da, baita bestelako zerbitzuak ere.