Bois de Vincennes edo Vincenneseko Basoa, Parisko parke bat da. Ekialdean dago eta Parisko udalerriko zati da. Vincennes hiriari izena eman zion, parkearen iparraldeko mugan aurkitzen dena.
995 hektareako hedadurarekin, Parisko gune berderik handiena da.
Vincenneseko basoak bere jatorria, Frantziako erregeek bakarrik erabiltzen zuten ehizarako lurralde batetan du, horrela, Felipe Augustoren erregealdian ezarria. Inguruan zenbait errege parke eraiki ziren (Vincenneseko Gaztelua barne), basoa, ibilaldiak egiteko egokitua egon aurretik, Frantziako Louis XV.aren erregealdian. Elezaharraren arabera toki honetan erabaki zuen San Luisek berriz justizia banatzea, haritz baten azpian.
Parlamentuko Frondan zehar, parke honetatik gertu erori zen segada batetan Tankredo Rohangoa, bertan hil zutelarik, 1649an.
Frantziar Iraultzan, basoa, maniobra militarren gune bihurtu zen. Nekazal lur asko husten dira eta eraikin militarrak eraikitzen dira.
Vincenneseko basoa, bere gaur egungo itxurarekin, Napoleon III.aren agindupean egokitu zen, Jean-Charles Alphan ingenieria eta Jean-Pierre Barillet- Deschamps arkitektoari esker, Parisko beste aldean zegoen Bois de Boulogneen kontrapuntu bezala, parke ingelesen antzera: zenbait zuhaitz birlandatu eta laku eta ibaien ibilguak hondeatu ziren.
1900eko Parisko Olinpiar Jokoetako frogarik gehienak Vincenneseko basoan ospatu ziren, hau, Parisera behin betiko 1929an bildu zelarik, baita gaztelua ere, Vincennes hirira itzuli zena 1934an
Zenbait instalakuntzek erabiltzen dute Vincenneseko basoa:
Vincenneseko basoak zenbait laku ere baditu, Marnetik abiatuta ibai sare batek hornituak:
Vincenneseko basoa zenbait errepidek gurutzatzen dute, horietakoren bat, motordun ibilgailuak ibil daitezkeena.
Vincenneseko basotik gertu zenbait udalerri daude. Parkearen iparmendebaldetik hasita eta erlojuen orratzen zentzuan, honako hauek daude: