Biwa aintzira (琵琶湖 Biwa-ko) Japoniako lakurik antzinakoena, sakonena eta handiena da, 670 km² azalera hartzen du. Shiga prefekturan dago, Kyototik ipar-ekialdera. Antzina Ōmi lakua bezala ezaguna, sarri agertzen da japonierazko literaturan, antzinako hiriburura duen gertutasunagatik. Yodo ibaia du hustubide nagusia.
Naturalistek, 1.100 bizidun espezie dokumentatu dituzte, horietatik 58, endemikoak direlarik. Biwa aintziraren biodibertsitatearen ondorioz, lakuari buruzko zenbait ingurugiro lege daude, eta Ramsar hitzarmenak ikusitako nazioarteko garrantzidun hezegune izendatu delarik.