Bambergeko katedrala (alemanez Bamberger Dom, izen ofiziala Bamberger Dom St. Peter und St. Georg) Alemaniako Bamberg herriko katedrala da. Eliza katolikoa da.
1004 eta 1012 artean eraiki zen katedrala. Hurrengo mende bietan bi aldiz erre zen eta gaur egun dakusagun eliza XIII mendean eraikitakoa da estilo erromaniko berantiarrean.
Lau dorre ditu, antzekoak badira ere ez dira berdinak, batzuk erromanikoak izaten jarraitzen dute, baina berreraiki behar izan zirenek estilo gotikoa dute. Ekialdeko kapera San Georgeren omenezkoa da, Germaniako Erromatar Inperio Santua sinbolizatzen duena, mendebaldea aldiz San Petriren omenezkoa da, Aita Santua sinbolizatuz.
Katedralaren aurrean hiriaren sinbolo den zaldun baten estatua (Bamberger Reiter) ederra dauka. Ez da ezaguna nor den zaldun hori, hainbat teoria badauden arren, hala nola, Konrad III.a Bavariakoa edo Esteban I.a Hungariakoa.
Klemente II.a Aita Santua (1005-1047) Bambergeko katedralean hilobiraturik dago.
