Avignongo Aita Santuen jauregia (frantsesez: Palais des papes d'Avignon) Frantziako Provence-Alpes-Côte d'Azur eskualdeko Vaucluse departamentuko Avignon hirian dagoen jauregia da. Europako Erdi Aroko eraikin gotiko garrantzitsuenen artean sailkatzen da. 1995. urtean UNESCO erakundeak Petit Palais museoa, Avignongo katedrala, Saint-Bénézet zubia eta Avignongo harresiekin batera Gizateriaren Ondare izendatu zuen.
1305. urtean Klemente V.a zena (Bertrand de Goth gaskoia) Aita santu izendatu zutenean ez zuen Erroman piztu ziren liskarrei aurre egiteko asmorik erakutsi, aldiz 1309. urtean Avignon hirira lekualdatu eta Aita santuaren egoitza berria bilakatu zen. Ondorioz jauregi hau eraiki zen.
Honela hiri eta jauregi honetan Benedikto XII.a, Klemente VI.a, Inozentzio VI.a, Urbano V.a, Gregorio XI.a eta Benedikto XIII.a Aita santuak bizitu izan ziren. Hortik jauregi honek daraman izena.
Wikimedia Commonsen badira fitxategi gehiago, gai hau dutenak: |