Anuradhapura (sinhalaz: අනුරාධපුර, tamileraz: அனுராதபுரம்), Sri Lankako antzinako hiriburuetako bat da, Lankan zibilizazioaren aztarnen egoera onarengatik ezaguna dena.
Hiria, orain UNESCO-ko Munduko Hondarea izendatua, Sri Lankako hiriburu den Kolonbotik 205 km iparraldera kokatzen da, Ipar Zentroko Probintzian hain zuzen ere.
Kristo aurretiko 4. mendetik 11. mendera arte Sri Lankako hiriburua izan zen. Denbora tarte hontan Asiako hegoaldeko zentro politiko eta hiri egonkorrenetariko bat bezala mantendu zen. Aintzinako hiria, budistek sakratua kontsideratzen dutena, monasterioz inguraturik dago 40 km²-ko azalera osatuaz.