Ananuri (georgieraz: ანანური) Georgiako Mtsaila-Mtianeti eskualdeko Aragvi ibaiertzan dagoen gotorlekua da, Tbilisitik 66 kilometro iparraldera, Kazbegira iristeko georgiar errepide militarrean.
Ananuri gotorlekuaren gunea Aragviko dukeen (eristavis) egoitza izan zen, XIII. mendeaz geroztik eskualdea gobernatu zuen dinastia feudala. Gaztelua borroka ugarien tokia izan zen.
1739. urtean, Ananuri aurkako duketza baten indarrek erasotu zuten, Shanshe de Ksaniren agindupean eta sua piztu zioten. Aragvi klana sarraskituta izan zen. Hala eta guztiz ere, lau urte geroago, herriko nekazariak Shamsheren gobernuaren aurka matxinatu ziren, usurpatzaileak hilez eta Teimuraz II.a erregea erregutu zieten haiek gobernatzeko. Hala ere, 1746an, Teimuraz erregeak beste nekazarien matxinada zigortu behar izan zuen, Kakhetiko Heraklio II.a erregearen laguntzarekin. Gotorlekua XIX. mendearen hasiera arte erabili zen. 2007an, guneaa UNESCOren Gizateriaren Ondareko programan sartzeko behin-behineko zerrendan sartu zuten
Gotorlekuan bi gaztelu daude, harresi almenadun batek lututa. Goiko gotorlekuak dorre karratu handi bat dauka, behekoak dorre borobil bat du. Gotorlekuan bi eliza daude.
