Ameriketako Estatu Batuetako Kapitolioa Washington Hirian dagoen eta Ameriketako Estatu Batuetako Kongresuaren bi ganberak kokatzen diren eraikina da. Lehenbiziko eraikuntza lanak 1793ko irailaren 18an eraikitzen hasi ziren. Gaur egun hiri honetako turismo gune garrantzitsuenetako bat da.
Hasierako eraikinaren diseinatzailea William Thornton izan zen, gerora Benjamin Henry Latrobe eta Charles Bulfinch arkitektoek eraldatu zutelarik. Thomas U. Walter eta August Schoenbornek gaur egungo domoa eta Senatuaren hegala diseinatu zuten; Kapitolioak bere erdigunean kupula handi bat eta albo banatara bi eraikin atxikiak ditu. Iparraldeko hegala Ameriketako Estatu Batuetako Senatuan dago, aldiz hegoaldeko hegalan Ameriketako Estatu Batuetako Ordezkarien Etxea kokatzen da. Goiko solairuetan bisitariek legebiltzar horien ekitaldi jakin batzuk ikusteko egokituak dauden aretoak kokatzen dira. Estatubatuar arkitektura neoklasikoaren adibide garbia da.
Wikimedia Commonsen badira fitxategi gehiago, gai hau dutenak: |