Aalborghus gaztelua (danieraz Aalborghus Slot), Kristian III.a Danimarkakoak 1539 eta 1555 artean eraikitako gaztelua da, hasieran Aalborg babesteko gotorleku funtzioa zuena eta ondoren Ipar Jutlandiako gobernadorearen egoitza izan zena.
1340 urteko idatzi batean jadanik aipatzen da aurretik egon zen Aalborhus izeneko eraikin bat. Kristian III.ak 1539an behera bota zuen berria egiteko. Morten Bussert arkitektuak diseinatu zuen hasierako gotorlekua, Limfjord ertzean harresia zeukana.
Kristian IV.ak 1633an iparraldeko zatia gehitu zion, kairarte luzatzen dena. Aletegia ezarri zuen bertan. Ondoren mendebaldera zabaldu zen eta arraina eta haragiaren biltegiak eraiki ziren.
1808 eta 1809 artean altxatu zen hegoaldeko zatia.
